Jardun komunikatiboa testuinguru errealetan

Metodologiaren helburu nagusia da ikaslea jardun komunikatiboan trebatzea. Ikasleak eguneroko eskolan testuinguru komunikatibo errealetan ikasten du, eta irakaslearen laguntzarekin horietan trebatzen da.

Ikaslearen parte-hartze aktiboa

Hizkuntza prozesu aktibotzat ulertzen dute, beraz ikaslearen parte-hartzea nahitaezkoa da. Ikasleek eta irakasleek material ugari dute eskura, paperezkoak eta ikus-entzunezkoak.

Ikaskuntza digitala

Zentroak ikaskuntza digitalaren garrantzia nabarmentzen du. Ikasleari hainbat blog eta material digital jartzen zaizkio eskura, nahi izanez gero erabil ditzan.

METOLOGIA

Gure metodologiaren helburuak dira, besteak beste,  ikaslea jardun komunikatiboan trebatzea eta komunikazioan gaitasun nahikoa izatea. Alde honetatik, zentroan erabiltzen dugun metodologian ikaslearen parte-hartzea nahitaezkoa da, hizkuntza prozesu aktibotzat ulertzen dugulako. Hori dela eta, ikasleak, eguneroko eskolan, testuinguru komunikatibo errealetan ikasiko du eta, irakaslearen laguntzarekin, horietan trebatuko da. Horretarako, ikasleak  eta irakasleak hainbat material izango dituzte eskura, bai paperezko euskarrian baita ikus-entzunezkoetan ere.

Bestalde, gure zentroan oso jakitun gara zer nolako garrantzia duen ikaskuntza digitalak egungo ikaslearen ikas-prozesuan. Izan ere, gure zentroan ikasleari hainbat blog eta material digital jarriko zaizkio eskura, berauek erabiltzeko, nahi izanez gero.

Azken finean, honekin guztiarekin adierazi nahi dizugu metodologia global bat erabiltzen dugula, eguneroko hizkuntzatik hurbil dagoena eta ikaslearen benetako gaitasunera eramaten duena.

Gure zentroan Europako Hizkuntzetarao Erreferentzia Markoak jasotzen dituen 6 mailak eskaintzen ditugu: A1, A2, B1, B2, C1 eta C2 mailak, hain zuzen ere. Lehenengo bi mailak ikasturte bakarrean egin ohi dira eta, horrenbestez, gure prozesu osoa 5 ikasturtetan dago egituratuta.

MAILAK

B1: 1. maila

Lehenengo maila burutzerakoan, ikaslea gai izango da eguneroko kontestu ezagunetan eta gai orokor eta arruntei buruzko kontaketa eta narrazio sinpleak, instrukzioak, pertsona eta objektuen deskribapen laburrak ulertu eta, ahoz nahiz idatziz, adierazteko.

 B2: 2. Maila

Bigarren maila burutzerakoan, ikaslea gai izango da ohiko gai eta egoera ezagunei buruzko solasaldi eta jardunak, narrazioak, deskribapenak, instrukzioak eta azalpen laburrak ulertu eta, ahoz nahiz idatziz, adierazteko. Dena den, zailtasunak izango ditu ñabardurak jaso eta adierazterakoan.

 C1: 3. maila

 Hirugarren maila burutzerakoan ikaslea gai izango da kultura orokorraren mailan edozein euskal hizketa ulertzeko , baita zuzentasunez, egokitasunez eta aberastasunez komunikatzeko ere. Saiakera arruntak, ipuinak, nobelak, etab. ulertuko ditu; gutunak, artikulu laburrak, testu errazak eta antzekoak ere idazteko gai izango da. Hala ere, zailtasunak izango ditu gai espezializatuei eta errejistro bereziei buruzko testuak jaso eta adierazteko.

 C2: 4. maila

Laugarren maila burutzerakoan ikaslea gai izango da kultura maila goreneko eta norbere espezialitateko gaien inguruan elkarrizketa mantentzeko eta iritziak eta azalpenak emateko. Halaber, testu espezialduak bere osotasunean jasoko ditu eta hizkuntza formalean nahiz informalean egoerari egokituz eta arrakasta lortzeko moduan, era guztietako testuak zuzen, zehatz eta jator idazteko gai izango da. Euskalkietako berbaldiak eta idatzizko testuak ere ulertzeko gai izango da

Mailen arteko baliokidetzak